حين قرر ترامب كسر هيبة الدولار… واتضح إن السيسي كان سابق الزمن
حوار الإعلامية نرمين جمعة مع خميس إسماعيل
بقلم: خميس إسماعيل
مؤسس ورئيس الحملة المصرية لدعم الدولة للإعلام السياسي
لمحاربة الفساد والإرهاب ومعالجة الأفكار المتطرفة
تحت شعار: نعم هنبنيها
🎙️ الإعلامية نرمين جمعة:
في البداية، سيادة المستشار، العالم كله بيتكلم دلوقتي عن نية ترامب تقليل قيمة الدولار… إزاي شايف المشهد؟
✍️ خميس إسماعيل:
اللي حاصل دلوقتي مش مفاجأة، لكنه كاشف جدًا.
ترامب قرر يعمل اللي كان بيتقال عليه “كارثة” لما مصر عملته سنة 2016.
الدولار اللي كانوا بيخوفونا بيه، واللي الإخوان راهنوا عليه علشان يهزوا استقرار البلد، صاحبه بنفسه قرر “يعومه” لمصلحته.
🎙️ نرمين جمعة:
يعني حضرتك شايف إن اللي حصل في مصر كان قرار صحيح؟
✍️ خميس إسماعيل:
طبعًا… وبالدليل.
الرئيس عبد الفتاح السيسي أخد قرار التعويم وهو عارف إنه مؤلم،
بس كان لازم يحصل علشان الدولة تعيش وتكمل.
دي كانت جراحة صعبة، بس أنقذت المريض.
والنهارده أمريكا بتعمل نفس الحركة، بس الفرق إن:
إحنا عملناها علشان نقف على رجلينا
وهم بيعملوها علشان يضربوا اقتصاد العالم ويحافظوا على نفوذهم
🎙️ نرمين جمعة:
طيب، إزاي تقرأ المشهد الاقتصادي عالميًا بعد اللي بيحصل ده؟
✍️ خميس إسماعيل:
إحنا داخلين على مرحلة اضطراب كبيرة.
الدولار فقد جزء كبير من هيبته،
والعملة الورقية بقت أداة سياسة مش أداة أمان.
اللي فاكر إن الدولار ملاذ آمن… محتاج يراجع حساباته.
🎙️ نرمين جمعة:
ولو حضرتك هتوجه نصيحة للناس، تقولهم إيه؟
✍️ خميس إسماعيل:
أقولهم بكل وضوح: ما تراهنوش على الورق.
الذهب هو الملك، والفضة هي الجوكر.
اللي هيأمّن نفسه بالمعدن دلوقتي،
هيقعد يتفرج على خناقة الكبار وهو مرتاح.
لأن المعدن: ✔ لا بيعوم
✔ ولا بيغرق
✔ ولا بيتأثر بتغريدة رئيس
✍️ أنا وقلمي وقهوتي ☕
وأنا قاعد قدّام فنجان القهوة، المشهد واضح قدامي:
العالم بيتغيّر،
واللي فاهم بدري هينجو،
واللي فضل يصدق الشعارات… هيدفع التمن.
حين قرر ترامب كسر هيبة الدولار… واتضح إن السيسي كان سابق الزمن
